काठमाडौं । महालक्ष्मी विकास बैंकले काठमाडौंको नक्सालस्थित नन्दी माध्यमिक विद्यालयलाई आर्थिक सहयोग गरेको छ ।

संस्थागत सामाजिक उत्तरदायित्व अन्तर्गत विभिन्न संघ संस्थाहरुलाई सहयोग गर्ने उद्देश्यले “एक शाखा, एक सामाजिक उत्तरदायित्व” कार्यक्रम सञ्चालन गर्दै आएको यो बैंकको दरवारमार्ग शाखाले नन्दी माविलाई खेलकुदका सामाग्री तथा पानी ट्याङ्कीका लागी रु ५० हजार बराबरको आर्थिक सहयोग प्रदान गरेको हो ।

विद्यालयमा अध्ययनरत बालबालिकाहरुलाई गुणस्तरिय शिक्षा सँगसँगै शारिरिक तथा बौद्धिक विकासका लागि सहयोग गरिएको बैंकका दरबारमार्ग शाखा प्रबन्धक प्रकाश घिमिरेले बताए ।

सहयोग हस्तान्तरण कार्यक्रममा विद्यालयका प्रधानाध्यापक गीता काफ्लेले यस बैंकले विद्यालयलाई विगतमा पनि खेलकूदका सामग्री सहयोग गरेको भन्दै आभार ब्यक्त गरिन् ।