काठमाडौँ । राजस्व चुहावटको मुद्दामा तीन जनाविरुद्ध करिब साढे १६ करोड रुपैयाँ बराबरको बिगो कायम भएको छ । राजस्व अनुसन्धान विभागले राजस्व चुहावट गरेको भन्दै १६ करोडभन्दा बढी बिगो कायम गर्दै मुद्दा दायर गरेको हो ।

विभागले सौगात इन्टरनेसनलका प्रोप्राइटर दीपककुमार देउजा, खाता सञ्चालक मोहनप्रसाद भट्टराई र लेखा परीक्षक सुनीलमान शाक्यविरुद्ध उच्च अदालत पाटनमा मुद्दा दायर गरेको हो ।

विभागले उनीहरूविरुद्ध बिगो आठ करोड २१ लाख ७२ हजार ६४१ रुपैयाँ र बिगोको शतप्रतिशत जरिवाना गरी १६ करोड ४३ लाख ४५ हजार २८२ रुपैयाँ बराबरको मुद्दा दायर गरेको छ ।