काठमाडौँ । नेकपा एमालेको पोलिटब्यूरो बैठकमा दुई नेताले फेरि पनि बामपनथी एकताको प्रस्ताव राखेका छन् । गत चुनावमा माओवादी केन्द्रसँग चुनावी गठबन्धन हुँदै पार्टी एकता समेत भएको र त्यसको परिणाम बामपन्थीहरुले केन्द्र देखि प्रदेश सम्मको सरकारमा जनमत वटुलेको भन्दै एमाले नेताहरु घनश्याम भूसाल र रघुजी पन्तले बामपन्थी एकताको प्रस्ताव पाटीृ पोलिटब्यूरो बैठकमा राखेका हुन् ।

ओलीले चुनावी एकताका विषयमा माओवादी केन्द्र र एकीकृत समाजवादीसँग कहँी पनि नहुने बताईरहँदा भुसाल र पन्तले भने चुनावी एकतालाई लिएर पार्टीमा फरक मत राखेका छन् । सोमबार बसेको पोलिटब्युरो बैठकमा नेता भूसालले कम्युनिस्टम पार्टीहरूबीच गठबन्धन गर्नुपर्ने प्रस्ताव गरेका छन् ।

उनले वहुसंख्यक कार्यकर्ता र सदस्यहरूले कम्युनिस्ट एकता चाहेको हुनाले कम्युनिष्ट पार्टीहरूको एकता आवश्यक रहेको प्रस्ताव बैठकमा राखेको बैठकमा सहभागी एक नेताले बताए ।

पन्तले पनि भुसालकै जस्तो मत पार्टीमा राखेका छन् ।
भूसालले बैठकमा विभिन्न चार कारण पेस गर्दै कम्युनिस्ट गठबन्धन आवश्यक रहेको बताएका हुन् ।
एमाले वाम एकताको मूल प्रवाह भएको, विभाजित पार्टीहरुबीच वैचारिक तथा सैद्धान्तिक कारण नभएको र आगामी निर्वाचनमा वामपन्थी जित सुनिश्चित गर्न पार्टी एकता आवश्यक रहेको भूसालले प्रस्ताव गरेका छन् । त्यसका लागि पार्टी अध्यक्ष समेत रहेका केपी ओलीले नेतृत्वदायी पहलकदमी लिनुपर्ने भुसालको मत छ ।

यस अगाडी एक दैनिक पत्रिकामा पनि उनले लेख नै लेखेर एकताको प्रस्ताव गरेका थिए । कुनै एउटा पार्टीले आफनो पार्टी कमिटिमा एकताको प्रसताव राखेमा अर्काे कम्युनिष्ट पार्टी पनि एकतामा आउन बाध्य हुने भुसालको तर्क थियो ।

मुलुकमा बामपन्थी मत अधिक रहेको र वामपन्थी विभाजित हुदाँमात्र कांग्रेस लगायतका पुँजीवादी पार्टीले हालीमुहाली गर्ने अवसर पाएको भुसालको तर्क छ ।

उनले प्रचण्ड नेतृत्वको माओवादी र माधव नेपाल नेतृत्वको एकीकृत समाजवादीसँग विगतका कमजोरी लार्य सुधारेर अव फेरि एकताको प्रस्ताव गर्नुपर्ने मत राखेका हुन् ।

भुसाल र पन्तको सो प्रस्तावमा पोलिटब्यूरो सदस्य महेश बस्नेत र हिक्मत कार्कीले भने असन्तुष्टि राखेका छन् ।
प्रचण्ड(माधव समूहमा रहेका कार्यकर्तालाई एमालेमा प्रवेश गर्न आह्वान गर्ने र देशभर नेकपा एकताको निरन्तरताका रुपमा माओवादी पंक्तिलाई एमालेमा समेट्ने तर प्रचण्ड र माधव नेपालहरुलाई पनि ल्याएर वामपन्थी एकताको कुरा अहिले सम्भव नभएको बस्नेतको तर्क थियो ।

उनले नेता मिलाएर पार्टी बलियो नहुने भन्दै कार्यकर्तालाई एमालेमा ल्याउने तर अहिले प्रचण्ड माधवसँग सहकार्य गर्न नसकिने बताएका थिए ।
नेता हिक्मत कार्कीले पनि वामपन्थी एकताको कुरा कर्णप्रीय भए पनि विगतका गल्ती समीक्षा नगरी प्रचण्ड(माधव समूहसँग एकताको कुराको अर्थ नहुने बताएका थिए ।

तर भुसालले भने पाटीृले गम्भिर समिक्षा गरेर एकतामा जानुको विकल्प नरहेको मत पार्टीमा राखेका छन् ।