काठमाडौँ । प्रहरीले त्रिभुवन अन्तर्राष्ट्रिय विमान स्थलबाट एक किलो २६८ ग्राम सुनसहित भारतीय नागरिकलाई पक्राउ गरेको छ।

त्रिभुवन विमान स्थल सुरक्षा कार्यालयले पाल एयरलाइन्सको उडानद्वारा दुबईबाट नेपाल आएका ३८ वर्षीय भारतीय नागरिक शुभम मेहरालाई पक्राउ गरेको हो। उनलाई विमान स्थलको आगमन टनेल गेटबाट पक्राउ गरेको प्रहरीले जनाएको छ।

बेलनाकार बनाइएको अर्धठोस सुनको दुई पोका भेटिएको हो। बरामद सुनको बजारमूल्य एक करोड आठ लाख ४९ हजार ६६२ रुपैयाँ भएको विमानस्थल प्रहरीले जनाएको छ।