काठमाडौँ । सुदूरपश्चिम प्रदेश सरकार पुनर्गठन भएसँगै जनता समाजवादी पार्टी (जसपा)ले असन्तु्ष्टि जनाएको छ । सत्तारुढ गठबन्धनमा आवद्ध भए पनि प्रदेश सरकार पुनर्गठनका क्रममा आफूहरूलाई बेवास्ता गरेको भन्दै जसपाले असन्तुष्टि जनाएको हो ।

अन्य दलले आफूहरूलाई अपमान गरेको र केन्द्रीय सहमतिअनुसार अगाडि नबढेको भन्दै जसपाले गठबन्धनबाट बाहिरिने चेतावनी दिएको छ ।

शुक्रबार सुदूरपश्चिम प्रदेश सरकारमा नेपाली कांग्रेस सहभागी हुँदा जसपालाई कुनै जानकारी गराइएको थिएन । सुदूरपश्चिम प्रदेशसभामा जसपाका एक सांसद छन् ।

जसपाले स्थानीय तहको निर्वाचनसमेत एक्लै लड्न सक्षम भएको दाबी गरेको छ ।