काठमाडौं । सत्ता गठबन्धनले अघिल्लो निर्वाचनमा महानगरपालिकामा जुन पार्टीले जितेका छन् सोही पार्टीलाई दिने भएको छ ।

सत्ता गठबन्धनको आज पनि ४ बजे बैठक बस्दैछ । उक्त बैठकले अघिल्लो निर्वाचनमा जुन दलले निवार्चन जितेका थिए । सोही महानगरपालिका अहिले दिने निर्णय गर्ने तयारी गरेको छ ।

नेपाली कांग्रेसलाई ललितपुर, विराटनगर र नेकपा माओवादीले भरतपुर महानगरपालिका, जनता समाजवादी पार्टी (जसपा) वीरगंञ्ज महानगरपालिका दिने निर्णय भएको स्रोत बताउँछ ।
पोखरा महानगरपालिका र काठमाडौं महानगरपालिकाको भागबन्डाका विषयमा आज औपचारिक छलफल हुदैछ । यी दुई महानगरपालिका अघिल्लो निवार्चनमा नेकपा एमालेले जितेको थियो ।
कांग्रेसलाई काठमाडौं महानगरपालिका र माओवादीलाई पोखरा महानगरपालिका दिने विषयमा अनौपचारिक छलफल जारी छ ।
यता, नेकपा एकिकृत समाजवादी (नेकपा एस) ले पनि पाँच मध्ये एक महानगपालिका पाउँनुपर्ने दाबी गरेको छ । तर गठबन्धनले भने कुनै एक उपमहानगरपालिका नेकपा एसलाई दिने तयारी गरेको स्रोत बताउँछ । आजको बैठकमा एस मानेमा आजै महानगरको तालमेलको टुङ्गो लाग्ने स्रोतको भनाई छ ।