काठमाडौँ । नेपाली कांग्रेसका महामन्त्री गगन थापाले काठमाडौँ महानगरपालिकाकी गठबन्धनका उम्मेदवार सिर्जना सिंहलाई भाउजूबाट दिदी बनाउने अवस्था आएको बताएका छन् ।

आज आयोजित काठमाडौँको मेयरकी उम्मेदवार सिंहको प्रतिबद्धता पत्र सार्वजनिक कार्यक्रममा बोल्दै उनले यस्तो बताएका हुन् । यस्तै, उनले सिंहले आफूलाई कस्तो काठमाडौँ बनाउने भन्नेबारे जानकारी दिएकाले मेयरको दाबेदार भएको बताए ।

‘स्वास्थ्यको बारेमा तपाईको कस्तो योजना छ भनेर सोधेँ,’ थापाले भने, ‘उहाँले यसबारे जानकारी दिँदै मलाई भन्नु भो, घरमा भान्सा बदल्नेदेखि एक अस्पताल बनाएर नाजुक अवस्था भएकाहरूलाई उपचार गर्ने व्यवस्था गराउछु भन्नु भो ।’

उनले आफूहरूले काठमाडौँमा धेरै ठूलो परिवर्तन नभई सानोसानो परिवर्तन चाहेको बताउँदै उनले उक्त काम सिंहले गर्ने बताए ।

‘जसले भान्सा कसरी चलाउने ? फोहोर कसरी व्यवस्थापन गर्ने ? फुटपाथ कसरी राम्रो बनाउने ? कसरी जाम कम गर्ने ? काठमाडौँमा यस्तै साना काम हुनु पर्ने होइन र ?’ महामन्त्री थापाले भने, ‘हामीले काठमाडौँमा चाहेको यस्तै सानो काम गर्ने मेयर होइन र ?’

उनले अघिल्लोपटक सूर्यमा मत हालेका महिलाले यसपटक महिलालाई नै सहयोग गर्ने अवसर आएको बताए । ‘छोडिदिनुस्, योपटक सूर्यलाई भोट दिने काम, अर्कोपटक सूर्यमै भोट हाल्नु होला,’ उनले भने ।