काठमाडौं । सरकारले अतिरिक्त महानिरीक्षक (एआईजी) धिरजप्रताप सिंहलाई नेपाल प्रहरीको नयाँ महानिरिक्षक (आईजीपी) बनाउने निर्णय गरेको छ ।

आइतबार बसेको मन्त्रिपरिषद् बैठकले सिंहलाई प्रहरी महानिरीक्षक (आईजीपी) मा बढुवा गरेको एक मन्त्रीले मेरोन्यूजलाई जानकारी दिए ।

धिरजप्रताप सिंह नेपाल प्रहरीका २९ औं आइजीपीका रुपमा ११ महिना कार्यकालसम्म कार्यभार सम्हाल्नेछन् । बीचमा ३० बर्षे सेवावधि हटेमा उनले थप कार्यकाल आइजीपी हुने मौका पाउनेछन् ।

नेपाल प्रहरीमा ४ जना एआइजी आइजीपीको प्रतिस्पर्धामा थिए । गृहमन्त्रालयले एआइजीहरु विश्वराज पोखरेल, सहकुलबहादुर थापा, धिरजप्रताप सिंह र रविन्द्रबहादुर धानुकको नाम सिफारिस गरेको थियो । यीमध्येबाट मन्त्रिपरिषदले सिंहलाई आइजीपी नियुक्त गरेको छ ।