काठमाडौं । जिल्ला प्रशासन कार्यालय काठमाडौंले निर्वाचनको मौन अवधिदेखि निवार्चन सम्पन्न नभएसम्म मदिराजन्य सामग्री विक्री वितरण गर्न पूर्ण रुपमा प्रतिबन्ध लगाएको छ ।
यही ३० वैशाखमा हुने स्थानीय तहको निवार्चन हुदैछ । वैशाख २७ गते मंगलबार राति १२ बजेपछि मौन अवधिभर मदिराजन्य पदार्थ विक्रि वितरण पूर्णरूपमा बन्द गर्न प्रशासनले निर्देशन दिएको हो ।

त्यसैगरी, प्रशासनले मतदानको दिन अत्यावश्यक सेवाका सञ्चालित र अनुमति लिएका सवारी साधनहरु बाहेकका सवारी साधनहरु बिहान ६ बजेदेखि मतदान कार्य सम्पन्न नभएसम्म पुर्णरुपमा प्रतिबन्ध लगाएको छ ।