नुवाकोट । जिल्लाको विदुर नगरपालिका २ को वडाध्यक्षमा नेकपा एमालेका दीपक कायस्थ विजयी भएका छन् ।

कायस्थले गठबन्धनका नेपाली कांग्रेस सुरज प्रसाद श्रेष्ठलाई १४८ मतले पछि पार्दै वडाध्यक्षमा बाजी मारेका हुन् । विजयी कायस्थले ९४० र श्रेष्ठले ७९२ मत प्राप्त गरे ।

वडा नम्बर २ मा कायस्थको प्यानल नै विजयी भएको हो । उनको प्यानलबाट गीतादेवी तिमल्सिना, सबु मिजार, आनन्द लाल श्रेष्ठ र रञ्जन थापा मगर विजयी भएका छन् ।

विदुर १ मा एमालेका उम्मेदवार लेनिन रञ्जित विजयी भइसकेका छन् ।