रसुवा । रसुवाको कालिका गाउँपालिकाको अध्यक्ष र उपाध्यक्षमा नेपाली कांग्रेस विजयी भएको छ । अध्यक्षमा हरिकृष्ण देवकोटाले दुई हजार ६२२ मत ल्याएर विजयी भएका हुन् ।

उनका प्रतिद्वन्द्वी नेकपा एमालेका कमलनाथ आचार्यले दुई हजार २८३ मत प्राप्त गरेका छन् । नेकपा माओवादी केन्द्रका सोमबहादुर तामाङले एक हजार ५२२ मत प्राप्त गरे ।

त्यसैगरी उपाध्यक्षमा कांग्रेसकै मिरा लामाले दुई हजार ८१० मत ल्याएर विजयी भइन् । उनका प्रतिद्वन्द्वी एमालेकी अम्बिका भट्ट (पौडेल)ले दुई हजार २ मत प्राप्त गरिन् ।

कालिका गाउँपालिकामा ५ वटा वडा छन् । वडा नम्बर १ मा माओवादी केन्द्रका दावा तामाङ, वडा नम्बर २ मा नेपाली कांग्रेसका उमेश न्यौपाने, वडा नम्बर ३ मा नेपाली कांग्रेसकै फणिन्द्रप्रसाद न्यौपाने, वडा नम्बर ४ मा खेसम तामाङ र वडा नम्बर ५ मा नेपाली कांग्रेसकै सन्दिप पौडेल विजयी भएका छन् ।