काठमाडौँ । जिल्लाको कीर्तिपुर नगरपालिकामा नेपाली कांग्रेसका उम्मेदवार विजयी भएका छन् । कांग्रेसका राजकुमार नकर्मीले एमालेका रत्नकेशर बज्राचार्यलाई साढे चार हजार मतान्तरले पराजित गरेका हुन् ।

नकर्मीले नौ हजार ४३ मत ल्याउँदा बज्राचार्यले पाँच हजार ५०७ मत मात्रै ल्याएका थिए । नकर्मी कांग्रेसबाट काठमाडौँ उपत्यकामा मेयर जित्ने दोस्रो उम्मेदवार हुन् ।

काठमाडौँको दक्षिणकाली नगरपालिकामा मोहन बस्नेत मेयरमा विजय भइसकेका छन् ।

यस्तै, उपमेयरमा समेत कांग्रेसकी शुभलक्ष्मी शाक्य विजयी भएकी छन् । उनकी निकटम् प्रतिस्पर्धी एमालेकी बिन्दु मर्हजनलाई पराजित गरेकी हुन् ।

गत स्थानीय निर्वाचनमा कीर्तिपुरमा मेयर र उपमेयर एमालेले जितेको थियो ।