सुनसरी । जिल्लाको धरान उपमहानगमा मेयरका स्वतन्त्र उम्मेदवार हर्कराज राईले ४ हजार १५९ मतले अगाडि रहेका छन् । अब उक्त पालिकामा ४ हजार ६२१ मत मात्रै गन्न बाँकी रहेको छ ।

पछिल्लो मत परिणामअनुसार स्वतन्त्र उम्मेदवार राईले १९ हजार १५५ मत पाएका छन् । उनका प्रतिद्वन्द्वी नेपाली कांग्रेसका उम्मेदवार किशोर राईले १४ हजार ९९६ र एमालेकी उम्मेदवार मञ्जु भण्डारीले १२ हजार १४३ मत पाएका छन् ।

धरान उपमहानगरमा ६२ हजार ८९८ मा खसेकोमा ५८ हजार २७७ मत गणना भइसकेको छ ।

उपप्रमुख पदमा भने माओवादी केन्द्रका उम्मेदवार अइन्द्र विक्रम बेघा अगाडि रहेका छन् । उनले १८ हजार ८६४ मत पाउँदा नेकपा एमालेका पदम प्रसाद लिम्बुले १६ हजार ५८१ मत पाएका छन् ।