काठमाडौं । काठमाडौं महानगरको वडाहरूको मत परिणामहरू सार्वजनिक भइरहेको छ । पछिल्लोपटक वडा नम्बर १२ को मत परिणाम सार्वजनिक भएको छ ।

जसमा स्वतन्त्र उम्मेदवार बालेन साह कमजोर देखिएका छन् । यस वडामा नेपाली कांग्रेसकी उम्मेदवार सिर्जना सिंह अगाडि रहेकी छन् ।

यस वडामा एक हजार ५१५ मत गणना भएको छ । जसमा सिर्जनाले ४५५ भोट पाएकी छन् । दोस्रो स्थानमा एमालेका केशव स्थापितले ३४३ भोट पाएका छन् ।

तेस्रो स्थानमा स्वतन्त्र उम्मेदवार सुमन सायमी रहेका छन् । उनले आँखीझ्याल चुनाव चिन्हमा २२१ भोट पाउँदा बालेनले २१८ भोट मात्रै पाएका छन् ।

समग्र मत गणनामा शीर्ष स्थानमा रहेका बालेन यस वडामा चौथो स्थानमा पुगेका छन् ।