धनुषा । जिल्लाको जनकपुरधाम उपमहानगरमा स्वतन्त्र उम्मेदवार मनोजकुमार साह सुडी विजयी भएका छन् । सोमबार साँझ सकिएको मत गणनाअनुसार उनले १३ हजार ४६५ मत ल्याएका थिए ।

दोस्रो स्थानमा नेकपा एमालेका उम्मेदवार शिवशंकर साहले नौ हजार ५३२ मत ल्याएका छन् । मेयर पदमा सत्तारुढ गठबन्धनको समर्थन पाएका जनता समाजवादी पार्टीका उम्मेदवार चौथो बने । उनले पाँच हजार १९४ मत पाएका छन् ।

उपमेयरमा नेपाली कांग्रेसका किशोरी साहले १५ हजार ५२५ मत ल्याएर निर्वाचित भएकी छन् । दोस्रो स्थानमा एमालेकी रुणादेवी झाले १० हजार ८८५ मत पाएकी छन् ।