काठमाडौं । सिरहाको लहान नगरपालिकाको नगर कार्यपालिकाको कार्यालयले ज्यालादारीमा कार्यरत सबै कर्मचारीलाई आजबाट काम काज नगराउँन भनेको छ ।

सोमबार नगर कार्यपालिकाको कार्यालयले एक सुचना जारी गदै ज्यालादारीमा कार्यरत सबै कर्मचारीलाई आजबाट काम काज नगर्न नगराउँन आदेश दिएको हो । ‘यस शाखा,उपशाखा, वडा कार्यालय र अन्य स्थानमा दैनिक ज्यालादारीमा कार्यरत सबै कर्मचारीलाई जेष्ठ १० गतेबाट अर्को व्यवस्था नभएसम्मको लागि कामकाज नगर्न नगराउन आदेशनुसार सम्बन्धी सबैलाई जानकारी गराईन्छ,’ नगर कार्यालयले जारी सुचनामा भनिएको छ ।
यस नगरमा अघिल्लो एमालेको सरकारले नियुक्ती गरेका कर्मचारीलाई हटाउँन लागेको बताइन्छ । अहिलेका स्थानीय तहको निवार्चनबाट नगरपालिका प्रमुख कांग्रेस र उपप्रमुखमा जसपा जितेको छ ।