काठमाडौं । काठमाडौं महानगर वडा नम्बर २१ मा नेकपा एमालेको प्यानल नै विजयी भएको छ ।

यो वडा पूर्व मेयर विद्यासुन्दर शाक्य र हाल नेकपा एमालेकी उपमेयर उम्मेदवार सुनिता डंगोलको गृह वडा हो । यस वडामा एमालेका वडाध्यक्ष उम्मेदवार चूडामणि बज्राचार्य विजयी भएका हुन् ।

कूल ४ हजार ४१४ मत खसेको यस वडामा बज्राचार्यले दुई हजार १ मत पाएका थिए । यस्तै, उनको प्रतिद्वन्द्वी कांग्रेसका मधुसूदन प्रधानले एक हजार ५१३ मत मात्रै पाए ।

यस वडामा एमालेका मेयरका उम्मेदवार केशव स्थापितले सबैभन्दा बढी भोट पाएका छन् । उनले एक हजार ६७२ मत पाए ।

यस्तै, नेपाली कांग्रेसकी उम्मेदवार सिर्जना श्रेष्ठले एक हजार १८५ भोट पाउँदा स्वतन्त्र उम्मेदवार बालेन साहलाई ६९५ भोट मात्रै पाए । यद्यपि, समग्रमा बालेन शाह अगाडि रहेका छन् ।