काठमाडौँ । काठमाडौँ महानगरपालिकाको मेयरमा निर्वाचित भएसँगै उपत्यकाको फोहोर व्यवस्थापनमा बालेन शाह आक्रमक बनेका छन् । मेयरमा निर्वाचित भएको घोषणासँगै उनी आज नुवाकोटको ओखरपौवा पुगेका हुन् ।

उनी काठमाडौँ महानगरको फोहोर व्यवस्थापन हुँदै आएको स्थान ओखरपौवामा पुगेका हुन् । उनी आफ्ना समर्थकसहित फोहोर व्यवस्थापनबारे जानकारी लिन ओखरपौवाको डम्पिङ क्षेत्र पुगेका हुन् ।

आफू मेयरमा निर्वाचित भए काठमाडौँको फोहोर व्यवस्थापन चुस्त ढंगले गर्ने प्रतिबद्धता जनाउँदै आएका थिए । विजय र्‍यालीमा उनले काठमाडौँलाई विश्वकै नमुना सहरको रुपमा विकास गर्ने बताएका छन् ।