काठमाडौँ । नेपाल आयल निगमको डिपोअगाडि राखिएका दुई वटा ट्यांकरमा लागेको आगलागीबारे अनुगमन भएको छ । तिलोत्तमा नगरपालिकाका मेयर रामकृष्ण खाँणसहितको टोलीले आज अनुगमन गरेको हो ।

अनुगमनमा नगर प्रमुख खाँण, रुपन्देहीको भलवारीमा आगलागी भएको पम्पको आयल निगमका डिजी उमेश थानीलगायत सहभागी भएका थिए ।

रुपन्देहीको भलबारीस्थित आयल निगमको डिपोमा शुक्रबार बिहान ११ बजेतिर आगलागी भएको थियो । लु २ ख २६५६ र लु २ ख ५६८७ नम्बरको ट्यांकरमा आगलागी भए पनि ठूलो क्षति हुनबाट रोकिएको थियो ।

डिपोमा ट्यांरबाट तेल खन्याएपछि अचानक आगलागी भएको थियो । आगलागी भएको एक घण्टापछि आगो नियन्त्रणमा लिइएको थियो ।