काठमाडौँ । प्रतिनिधिसभाको आजको दोस्रो बैठकले विनियोजन विधेयक २०७९ माथि विचार गरियोस भन्ने प्रस्ताव स्वीकृत गरेको छ । बैठकमा अर्थमन्त्री जनार्दन शर्माले ‘विनियोजन विधेयक, २०७९ माथि विचार गरियोस्’ भनी प्रस्तुत गरेको प्रस्तावलाई सर्वसम्मत स्वीकार गरेको हो ।

सभामुख अग्निप्रसाद सापकोटाले विनियोजन विधेयक, २०७९ को विभिन्न मन्त्रालय एवं सचिवालयअन्तर्गत रहेका विभिन्न शीर्षकमाथि हुने छलफल गर्न पाँच दिन तोकेका छन् । उनले सम्बन्धित मन्त्रीले उठेका प्रश्नको जवाफ दिन आगामी जेठ २३, २४, २५, २६ र २७ गतेको दिन तोकेका हुन् ।

विधेयकको सैद्धान्तिक छलफलमा सहभागी हुँदै सांसदहरूले विभिन्न विषयमा थप स्पष्ट पार्न माग गरेका थिए । प्रतिनिधिसभाको अर्को बैठक जेठ २३ गते बिहान ११ बजे बस्ने भएको छ ।