काठमाडौं । शिक्षा, विज्ञान तथा प्रविधि मन्त्री देवेन्द्र पौडेलले एक कक्षादेखि तीन कक्षासम्मको किताबमा कुनै पनि कुरा परिमार्जन नगरिएको बताएका छन् ।

मंगलबारको प्रतिनिधि सभाको विनियोजित बजेटमा उठेका प्रश्नको जवाफ दिदै मन्त्री पौडेलले भने, ‘अहिले एकदेखि ३ कक्षाका नेपाली विषयमा कुनै पनि परिमार्जन गरिएको छैन्, त्यो झुटो हो,भन्दै किताब नै देखाए ।’

सांसदहरुले संसदमा ईश्वर र ईशु भन्ने विषयमा किन यस्तो गरियो भन्दै प्रश्न गरेका थिए । मन्त्री पौडेलले एक जिल्लाको एक संस्थाले किताबमा अनाधिकृतरुपमा वितरण गरेको भने खबर आएको छ । त्यस्ता किताबहरु वितरण गर्नेलाई कानुनको दायरामा ल्याउँने उनले बताए । तर मन्त्री कुन जिल्ला र कुन संस्थाले भन्नेर खुलाएनन् ।