उदयपुर । नेपाल विद्युत प्राधिकरणको लापरबाहीले एक बालिकाले हात गुमाउन पुगेकी छिन । त्रियुगा नगरपालिका ३ मोतिगडाबाट जोगिदह हडिया लगेको एघार हजार भोल्टेजको नाङ्गो तार घरको छतबाट लगेकाले सो तारमा बालिकाले छुन पुग्दा हात गुमाएकी हुन् ।

मोतीगडाका सन्तोष बरालको घरको छतबाट प्रशारण लाइन लादा सोही घरमा डेरा गरी बस्ने भरत दाहालकी छोरी कृष्टिना दाहाल करेन्ट लागेर गम्भीर घाइते भएकी हुन् । विद्युत प्राधिकरणले घरको छतमा हाइभोल्डेजको तार लगेको कारण बालिकालाई करेन्ट लागेको स्थानीयले बताए ।

करेन्ट लाग्ने बित्तिकै तत्काल उदयपुर जिल्ला अस्पतामा उपचार हुन नसकेपछि उनलाई थप उपचारका लागि काठमाडौं ल्याइएको थियो । करेन्ट लागेर घाइते भएकी कृष्टिनाको दाहिने हात काट्नु पर्ने चिकित्सकले बताएको परिवारले जनाएको छ ।