काठमाडौं । चौधरी ग्रुपका प्रबन्ध निर्देशक निर्वाण चौधरीले व्यवसायका लागि फोहोरी राजनीति गरेको भए टेलिकमको लाइसेन्स पाउन १३ वर्ष किन कुर्नु पथ्र्यो भन्दै प्रश्न गरेका छन् ।
उनले आफुहरु पारदर्शी र प्रक्रियागत ढंगबाटै गरिने व्यवसायमा केन्द्रीत रहेको बताएका हुन् ।
‘हामीले टेलिकम संचालन गर्न पूर्ण तयारी अवस्थामा भएपनि १३ वर्ष देखि लाइसेन्स नपाएर रोक्किरहेका छौ’ उनले भने, ‘यो विचमा धेरै सरकार बने, तर हामीले लाइसेन्स पाएनौं ।’
आफुहरु गलत प्रक्रियाबाट अघि बढ्न नखोजेकै कारण लाईसेन्स पाउनमा विलम्ब भएको उनको भनाई छ ।
सामाजिक संजालमा बजेट निर्माण प्रक्रियामा चौधरी ग्रुपलाई जोडेर गरिएका अफवाह र हल्लाप्रति संकेत गर्दै प्रबन्ध निर्देशक चौधरीले आफुहरु पूर्ण व्यवसायिक ढंगबाट अघि बढेकै कारणले गर्दा नेपाललगायत विश्वभरि नै प्रतिष्ठा कमाउन सफल भएको बताए । चौधरी ग्रुप विश्वमै सर्वाधिक विश्वसनिय र प्रतिष्ठित फोब्स म्यागाजिनमा २०१३ देखि लगातार सुचिकृत हुदै आईरहेको छ । अन्तराष्ट्रिय जगतमा चौधरी ग्रुप प्रतिष्ठित व्यवसायिक समुहको रुपमा चिनिन्छ । नेपाललाई कामदार निर्यात गर्ने मुलुकको रुपमा मात्र हेरिने गरिएकोमा चौधरी ग्रुपको चम्किदो प्रतिष्ठाकै कारण व्यवसायी जन्माउने मुलुकको रुपमा पनि परिचय विस्तार हुदै गएको छ ।