काठमाडौँ । रौतहटको राजपुर नगरपालिका ६ स्थित कुटियाबाट सशस्त्र प्रहरीले एक सय ९२ किलो गाँजा बरामद गरेको छ ।

सशस्त्र प्रहरी बल नेपाल सुरक्षा वेश फतुवाबाट खटिएको सशस्त्र प्रहरीले बगैचामा पार्किङ्ग गरेर राखेको डीएल ४ सीएनबी ६२२९ नम्बरको स्कारपियो गाडीमा जाँच गर्दा उक्त गाँजा बरामद गरिएको हो ।

सशस्त्र प्रहरीले त्यसबेला उक्त गाडीसमेत बरामद गरेको छ । बरामद गाँजा तथा गाडी नेपाल प्रहरीमा बुझाइएको छ ।