काठमाडौँ । अभिनेत्री मिरुना मगरविरुद्ध बौद्ध भिक्षु फुर्वा साङ्मो तामाङले मुद्दा दायर गरेका छन् । उनले अभिनेत्री मगरसँगै फिल्म प्राविधिक पृथ्वीसिंह ठकुरीविरुद्ध काठमाडौँ जिल्ला अदालतमा गाली बेइज्जती र कुटपिटसम्बन्धी मुद्दा दर्ता गराएका हुन् ।

तामाङले कानुन बमोजिम सजायको माग गर्दै काठमाडौं जिल्ला अदालतमा मुद्दा दायर गरेका हुन् । आफूविरुद्ध गलत बोल्दै आएको भन्दै तामाङले पटकपटक माफी माग्न आग्रह गरेका थिए । मिरुनाले माफी नमागेपछि मुद्दा दर्ता गरेको तामाङले दायर गरेको उजुरीमा उल्लेख गरिएको छ ।

फिल्म प्राविधिक ठकुरीले मिरुनालाई उक्साउने काम गरेको भन्दै उनीविरुद्ध पनि कारवाही माग गरिएको छ ।

गत जेठ १५ गते काठमाडौँको सिभिल मलस्थित एक कफी सपमा कबड्डी ४ फिल्मको प्रचारको लागि पुगेकी मिरुनाले आफूलाई फुर्वाले दुर्व्यवहार गरेको भन्दै थप्पड हानेकी थिइन् । मिरुना अहिले लण्डनमा छिन् ।