काठमाडौँ । पछिल्लो २४ घण्टामा देशभर थप ४३८ जनामा कोरोना भाइरसको संक्रमण पुष्टि भएको छ । सोही अवधिमा दुई जनाको मृत्यु भएको छ ।

कूल तीन हजार ६९९ जनाको कोरोना पीसीआर परीक्षण हुँदा २९२ जना र एन्टिजेन विधिबाट १४६ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । यस्तै, आज २७७ जना निको भएर घर फर्किएका छन् ।

नेपालमा कोरोनाबाट निको हुने दर ९८.३ प्रतिशत रहेको छ । पछिल्लो समय देशभर सक्रिय संक्रमितको संख्या चार हजार ३६९ पुगेको छ ।