काठमाडौँ । नेपालको अग्रणी भुक्तानी सेवा प्रदायक कम्पनी इसेवाले एसईई परीक्षा उतीर्ण गरेका विद्यार्थीका लागि बम्पर अफर ल्याएको छ । यस अफरअन्तर्गत एक हजार जना विद्यार्थीले नेपालका विभिन्न कलेजमा निःशुल्क अध्ययन गर्न पाउने छन् ।

यसका लागि विद्यार्थीहरुले इसेवाको अकाउन्ट खोलेको हुनु पर्ने छ । त्यसपछि इसेवा एपमार्फत आफूले अध्ययन गर्न चाहेको कलेज छानेर पढ्न चाहेको विषय रोज्नु पर्ने छ । यसका लागि विद्यार्थीले १० रुपैयाँ तिरेर आवेदन दिन सक्ने छन् । यसमा उनीहरुले १० प्रतिशत क्यासब्याक पाउने छन् ।

यो योजनामा सहभागी हुन विद्यार्थीले आफ्नो वास्तविक मार्कसिट र चारित्रिक प्रमाणपत्र समावेश गर्नु पर्ने छ । कुन कलेजमा पढ्ने भन्ने कुरा ब्लग डट इसेवा डटकम डट एन्पिमा हेर्न सकिने छ । विद्यार्थीले इसेवाको कल सेन्टरमा सम्पर्क गरेर थप जानकारी लिन सक्ने छन् । इसेवाले हाल एण्ड्रोइड मोबाईलमा ५२ लाख र आइओस् मोबाइलमा १० लाख गरी ६० लाख ग्राहकलाई एप्स्मार्फत सेवा प्रदान गरिरहेको छ ।

इसेवाबाट इन्स्योरेन्स्को प्रिमियम भुक्तानी, इन्टरनेट, बिजुली तथा खानेपानीको महशुल भुक्तानी, मोबाईल, टेलिफोन रिचार्ज तथा टपअप, हवाइजहाज, बसको टिकट, स्कुल कलेजको शुल्क लगायतका सेवाहरूको शुल्क भुक्तानी गर्न सकिन्छ । इसेवामा हाल ५२ वटा बैंक तथा वित्तीय संस्था सदस्य रहेका छन् ।