काठमाडौँ । केन्याविरुद्ध नेपालले तेस्रो टी–२० आईमा पहिले बलिङ गर्ने भएको छ । नैरोवीस्थित जिमखान क्रिकेट मैदानमा हुने खेलमा केन्याले टस जितेर ब्याटिङ रोजेको हो ।

नेपालले आजको खेलमा दुई खेलाडी परिवर्तन गरेको छ । पहिलोपटक राष्ट्रिय टिममा स्थान बनाएका अर्जुन साउदले यसै खेलबाट डेब्यु गरेका छन् ।

नियमित विकेटकिपर आसिफ शेखको स्थानमा युवा विकेटकिपर साउद मैदान प्रवेश गरेका हुन् । दोस्रो टी २० आई खेलेका वसिर अहमदको स्थानमा शाहब आलमले खेलेका छन् । ५ खेलको टी २० आई शृंखलामा अहिलेसम्म १–१ को बराबरीमा छ ।