काठमाडौँ । नेपाल केन्याविरुद्धको पाँचौँ तथा अन्तिम टी–२० अन्तर्राष्ट्रिय क्रिकेट खेलमा १७६ रनको लक्ष्य दिएको छ । नेपालले टस जितेर पहिले ब्याटिङ गरेको हो ।

केन्याको नैरोवीस्थित जिमखाना क्रिकेट मैदानमा ब्याटिङ गर्ने क्रममा नेपालले ७ विकेट गुमाउँदै १७५ रन बनाएको हो । नेपालका लागि अर्जुन साउदले २९ तथा दीपेन्द्रसिंह ऐरीले २२ रनको योगदान दिए ।

यस्तै ज्ञानेन्द्र मल्ल ४३ बलमा सर्वाधिक ५९ रन बनाए । उनले दुई छक्का र पाँच चौका प्रहार गरे । यसैगरी, रोहित पौडेलले ४७ रन बनाए । उनी अर्धशतक बनाउनबाट चुके । उनले ७ चौका प्रहार गरे ।

खेलमा अदिल अलामले ४ रन बनाउँदा विवेक कुमार यादवले २ रन बनाएर आउट भए । करण केसी २ रन बनाउँदै नटआउट हुँदा सोमपाल कामीले शून्य रनमा नटआउट भए ।

पाँच वटा टी–२० श्रृङ्खलामा नेपाल र केन्याले २-२ खेल जितेका छन् । आजको खेलमा जित्नेले श्रृङ्खला जित्ने छ ।