काठमाडौँ । विश्व खाद्य कार्यक्रम (डब्ल्यूएफपी)ले ३७ हजार मेट्रिक टन गहुँ बोकेको जहाज मंगलबार युक्रेनको युजन्हीको ब्ल्याक सी बन्दरगाहबाट यमनतर्फ प्रस्थान गरेको संयुक्त राष्ट्र सङ्घीय निकायले जनाएको छ ।

गत ‘फेब्रुअरीमा (रूसी–युक्रेनी) द्वन्द्व सुरु भएदेखि युक्रेनबाट भएको खाद्य सहायताको यो दोस्रो सामुद्रिक ढुवानी हो,’ विज्ञप्तिमा भनिएको छ ।

यो ढुवानीले यमनका करिब ४० लाख मानिसलाई एक महिनाका लागि सहयोग उपलब्ध गराउने अपेक्षा गरिएको छ । यमन सन् २०१४ को अन्त्यदेखि गृहयुद्धमा फसेको छ । जसले देशको अर्थतन्त्र ध्वस्त हुँदा लाखौँलाई भोकमरीमा धकेलिरहेको छ ।