काठमाडौं । प्रहरी हिरासतमा रहेका कमेडियन अपूर्व क्षितिज सिंह अस्पताल भर्ना भएका छन् । स्वास्थ्यमा समस्या देखिएपछि उनलाई वीर अस्पताल भर्ना गरिएको हो ।

काठमाडौं परिसरकार प्रहरी उपरीक्षक (एसपी) दिनेश मैनालीले सिंहलाई वीर अस्पताल भर्ना गरिएको पुष्टि गरे । स्वास्थ्यमा समस्या आयो भनेपछि सिंहलाई वीर अस्पताल भर्ना गरिएको मैनालीको भनाइ छ ।

स्ट्यान्डअप कमेडीका क्रममा नेवाः समुदायको भावनामा आँच पुर्‍याएको आरोपमा सिंह प्रहरी हिरासतमा छन् । बुधबार सिंहलाई थप पाँच दिन हिरासतमा राखेर अनुसन्धान गर्न प्रहरीले अनुमति पाएको छ ।