काठमाडौँ । नेपाली क्रिकेट टिमका निलम्बित कप्तान सन्दीप लामिछाने क्यारेबियन प्रिमियर लिग (सीपीएल)बाट बाहिरिएका छन् ।

नेपाल क्रिकेट संघले बिहीबार बलात्कारको आरोप लागेसँगै राष्ट्रिय टिमबाट निलम्बन गरेसँगै लामिछानेले वेष्ट इण्डिजको क्रिकेट लिग गुमाएका हुन् । सीपीएलमा उनी जमैका तलावाजबाट खेलिरहेका थिए ।

बिहीबार नै सन्दीपले तत्काल लागू हुने गरी प्रतियोगिता छाडेको जानकारी दिएको हो । उनले आजै फेसबुक स्टाटसमार्फत सीपीएलबाट बिदा लिएको बताउँदै नेपाल आउने बताएका थिए ।

सन्दीप नेपाली टिमको नेतृत्व गर्दै केन्या गएका थिए । केन्यामा पाँच वटा टी २० श्रृंखला खेलेर उनी सीपीएल खेल्न गएका थिए ।