काठमाडौँ । नेपालले श्रीलंकलाई हराउँदै समूह विजेता बनेर सेमिफाइनलमा प्रवेश गरेको छ । घरेलु मैदान दशरथ रंगशालामा भएको साफ महिला च्याम्पियनसिप समूह ‘बी’को अन्तिम खेलमा नेपालले श्रीलंकामाथि ६–० गोलले विजयी भएको हो ।

नेपाललाई जिताउन अमिसा कार्कीले २ गोल गरिन् भने रश्मीकुमारी घिसिङ, सरु लिम्बु, अमृता जैशी र दीपा शाहीले एक–एक गोल गरे ।

खेलको पहिलो हाफमै नेपाल ४–० ले अघि रहेको थियो । खेलको ७५ ‌औँ मिनेटमा गोल गरेकी अमिसा कार्कीले दोश्रो हाफको इन्जुरी समयमा अर्को गोल थपिन् र खेल नेपालले ६(० ले जित्यो ।

नेपाल समूह विजेता बनेपछि यो समूहबाट भूटान उपविजेता बनेको छ । समूह ‘ए’बाट भारत र बंगलादेश सेमिफाइलनम पुगिसकेका छन् ।