शनिबार, मंसिर १३, २०८२

मंगलबारबाट नेपाल टुरिजम एमेच्योर गल्फ च्याम्पियनसिप हुने

मेरोन्यूज २०७९ असोज १० गते २०:१५

काठमाडौँ । वल्ड्र टुरिजम डे को अवसरमा मंगलबारबाट नेपाल टुरिजम एमेच्योर गल्फ च्याम्पियनसिप हुने भएको छ ।

राजधानीमा सोमबार नेपाल गल्फ संघले पत्रकार सम्मेलन गरेर मंगलबारबाट आयोजन हुन लागेको प्रतियोगिताको सम्पूर्ण तयारी पूरा भएको जनाएको हो । प्रतियोगितामा ५४ होलको खेल हुनेछ ।

तीन दिने प्रतियोगितामा नेपाल, बंगलादेश, कतार र मलेसियाका ३६ खेलाडीको सहभागिता रहने छ । पुरूष र महिलाको टिम प्रतिस्पर्धा पनि हुनेछ । यो वल्ड्र र्‍याङकिङ प्रतियोगिता हो । त्यसैले महिला नेपाली गल्फरको लागि वल्ड्र र्‍याङकिङमा स्थान बनाउने अवसर पनि हो ।

नेपाल नम्बर एक गल्फर सुवास तामाङ र अर्का युवा खेलाडी सद्भाव आचार्यले नेपाल टिम ए तथा टसी छिरिङ र वाञ्चेन ढोण्डुपले नेपाल टिम बीचबाट प्रतिस्पर्धा गर्ने छन् । टिम प्रतिस्पर्धामा बंगलादेश र कतारको पनि सहभागिता रहने छ ।

महिलातर्फ कुल पाँच टिमले प्रतिस्पर्धा गर्ने छन् । यसैगरी प्रत्येक दिन ग्रस विजेता चुनिने गल्फ संघले जनाएको छ ।

प्रतिक्रिया