काठमाडौँ । नेपालमा डेंगु संक्रमणबाट ४८ जनाको मृत्यु भएको छ । यस्तै, संक्रमितको संख्या ४० हजार नाघेको छ ।

गत साउन १ गतेयता हालसम्म उक्त संख्यामा डेंगुका बिरामी भेटिएको स्वास्थ्य तथा जनसंख्या मन्त्रालयले जनाएको हो ।

पछिल्लो चौबिस घण्टामा थप एक हजार १११ जना डेंगुका संक्रमित थपिएपछि कूल संख्या ४० हजार नाघेको हो । योसँंगै नेपालमा कुल डेंगु बिरामीको संख्या ४० हजार २९ पुगेको छ ।

डेंगुबाट पछिल्लो एक दिनमा एक जनाको मृत्यु भएको छ । मन्त्रालयका अनुसार देशका सबै जिल्लामा डेंगुका बिरामी भेटिएका छन् ।