काठमाडौँ । बझाङको मस्टा गाउँपालिकामा बुधबार भएको जिप दुर्घटनाका घाइतेको उपचार गर्न छ लाख ५० हजार सहयोग उपलब्ध भएको छ ।

बिहीबार कार्यपालिकाको बैठक बसेर मृतकप्रति समवेदना प्रकट गर्दै घाइतेको उपचारका लागि जयपृथ्वी नगरपालिकाले तीन लाख, तल्कोट गाउँपालिकाले दुई लाख र साइपाल गाउँपालिकाले एक लाख ५० हजार सहयोग उपलब्ध भएको जानकारी दिइएको हो ।

मस्टा गाउँपालिका अध्यक्ष ज्ञानबहादुर बोहरा बुधबारदेखि घाइतेको उद्धारमा खटिएका थिए । बुधबार साँझ साढे ४ बजे मस्टा १ डुग्रीबाट भातेखोला जाने क्रममा तुफानडाँडानजिकै सुपप्र ००१ च ११७ नम्बरको जिप दुर्घटना हुँदा सात जनाको मृत्यु भएको थियो ।

घटनामा १८ जना घाइते भएका थिए । जिप सडकभन्दा झण्डै तीन सय मिटर तल खसेको थियो ।