काठमाडौँ । टिभिएस मोटर कम्पनीको नेपालका लागि एकमात्र आधिकारिक वितरक जगदम्बा मोटर्सले नेपालगञ्जमा एनओजी (एण्टर्क ओनर्स ग्रुप) राइड सम्पन्न गरेको छ ।

राइड शनिबार २६ गते नेपालगञ्ज शोरुमबाट शुरु भएर मेरो प्लानेट अम्युजमेण्ट पार्कमा पुगेर सम्पन्न भएको थियो । उक्त राइडमा सहभागीहरूबीच विभिन्न गेम खेलाइएको थियो । साथै सहभागी सम्पूर्ण राइडरलाई सहभागिताको प्रमाणपत्र प्रदान गरिनुका साथै आकर्षक उपहार प्रदान गरिएको थियो ।

करिब ५० जना राइडर सहभागी भएको उक्त राइड सम्पूर्ण सुरक्षा सावधानीका साथ नेपाल सरकारको अनुमति लिएर सञ्चालन गरिएको आयोजकले जनाएको छ ।

साथै उक्त राइडमा प्राविधिक टिमले विभिन्न सडक सुरक्षाको बारेमा जानकारी प्रदान गर्नुको साथै राइडरले अपनाउनु पर्ने नियम र सुरक्षाको जानकारी प्रदान गरिएको थियो ।