काठमाडौँ । होटल र्‍याडिसनले फ्रुट सोकिङ कार्यक्रम आयोजना गरेको छ । यो कार्यक्रम र्‍याडिसन होटलको चौथो तल्लामा रहेको टेरेस गार्डेनमा सेट अप गरिएको थियो ।

जसमा विभिन्न समुदायका महिला प्रोफेसनलाई आमन्त्रित, गरिएको थियो । होटलका जनरल म्यानेजर सुब्रोतो बेनेर्जीले सबै आमन्त्रितलाई स्वागत र धन्यवाद दिँदै कार्यक्रमको सुरुवात गरेकी थिइन् ।

त्यसपछि होटलका एकजिक्युटिभ सेफ सुनल कृष्ण कबिराज ठाकुरले फ्रुट सोकिङ्गबारे संक्षिप्त ब्याख्या गर्दै कार्यक्रमलाई अघि बढाएका थिए । कार्यक्रमको बारेमा जानकारी दिँदै होटलले वर्षौंदेखि ड्राई फ्रुट, मसला, जडिबुटी र विभिन्न किसिमका पेय पदार्थ मिसाएर क्रिसमसको लागि केक तयार पारिने बताए ।

इतिहासमा क्रिसमसको लागि तयार पारिने केकको सामाग्री कम्तीमा एक महिनाअगाडि मिश्रण गरेर राख्नु पर्ने चलन छ । क्रिसमसको भावनाको साथ उत्सवलाई रमाइलो बनाउन सबैको सहभागिता थियो ।