काठमाडौँ । उपप्रधान तथा गृहमन्त्री रवि लामिछानेले कर्मचारी नै हरेक नागरिकका समस्या सम्बोधन गर्न योग्य, सक्षम र प्रतिबद्ध भएको बताएका छन् ।

उनले आफ्नो सामाजिक सञ्जाल फेसबुकमार्फत कर्मचारी सक्षम भएको बताउँदै आफूलाई भेटिरहन जरुरी नभएको बताए ।

उनले गृह मन्त्रालय हुने कामलाई यति समयभित्र हुने र नहुने कामलाई यस कारण नहुने भनेर सेवा दिने तयारीमा रहेको जानकारी गराए । आफूहरूको कामको तारिफ गर्न कन्जुस्याइँ गरे पनि खबरदारी गर्नका लागि दिल खोलेर गर्नका लागि उनले सबैसँग आग्रह गरे ।

जीवनमा आलोचक साथीहरू भएकाले सुखद यात्रा सम्भव भएको बताउँदै उनले आगामी यात्रामा सघाउन आग्रह गरे ।