काठमाडौँ । नाबालिका गायिकालाई बलात्कार गरेको आरोपमा जेलमा रहेका अभिनेता पल शाहलाई जिल्ला अदालत तनहुँले सफाइ दिएको छ ।

मंगलबार जिल्ला न्यायाधीश कमलप्रसाद आचार्यको इजलासले बलात्कारको अभियोगमा दाबी नपुगेको भन्दै उनलाई सफाइ दिएको हो ।

जिल्ला अदालतले पल शाहका तत्कालीन म्यानेजर कृष्ण जोशीलाई समेत सफाइ दिएको छ ।

बलात्कारको आरोपमा तनहुँ र नवलपरासी (पूर्व)मा शाहमाथि मुद्दा दायर भएको थियो ।

जिल्ला अदालत नवलपरासी (पूर्व)ले शाहलाई जेल सजाय सुनाएर १० लाख क्षतिपूर्ति दिनु पर्ने फैसला गरेको थियो ।

उनी अहिले दुई वर्ष ६ महिना जेल सजाय भोगिरहेका छन् ।