काठमाडौं । आज देखि काठमाडौंको भृकुटीमण्डपमा “नेपाल इलेक्ट्रिक पावर लाइट्स अन्तर्राष्ट्रिय प्रदर्शनी” तथा “नेपाल फर्मा एन्ड हेल्थ” प्रदर्शनी सुरु भएको छ । माघ ८ गतेसम्म चल्ने यो प्रदर्शनी नेपालको पहिलो, एकमात्र र सबैभन्दा बृहत् अन्तर्राष्ट्रिय उर्जा र विद्युत, औषधोपचार, स्वास्थोपचार तथा फार्मेसीसँग सम्बन्धित प्रदर्शनी भएको आयोजकहरुले बताएका छन् ।

मिडिया स्पेस सोलुसन्स (एम.एस.एस.) का साथै एक्जिबिसन एन्ड ट्रेड सर्भिसेस इन्डिया प्रा. लि. (इ.टि.एस.आइ.पि.एल.) तथा फ्युचरेक्स ट्रेड फेयर्स एन्ड इभेन्ट्स् प्रा. लि.को संयोजकत्वमा यो प्रर्दशनी आयोजना सुरु भएको हो ।
स्वदेशी तथा विदेशी गरी १०० भन्दा बढी कम्पनीहरुको स्टल तथा यस क्षेत्रमा कार्यरत व्यवसायी तथा संस्थाहरुको प्रर्दशनीमा सहभागिता रहेको छ ।