काठमाडौं । काठमाडौं। स्वावलम्बन लघुवित्त वित्तीय संस्थाले १ लाख कित्ता भन्दा बढी संस्थापक सेयर बोलकबोलमार्फत बिक्रीमा ल्याएको छ । लघुवित्तले नबिल बैंकको नाममा रहेको १ लाख ५९ हजार कित्ता संस्थापक सेयरकाे बिक्री खुला गरेको हो ।

उक्त शेयरको न्यूनतम ५ सय ५५ रुपैयाँ तोकेको छ । लगानीकर्ताले यसलाई न्यूनतम मूल्य आधार मानेर सो वा सोभन्दा बढी मूल्य अंकित गरी बोलपत्र पेश गर्नुपर्नेछ ।

लगानीकर्ताले न्यूनतम १००० कित्ता र अधिकतम सम्पूर्ण कित्ताका लागि पनि आवेदन दिन सक्नेछन् ।

यसमा माघ २४ गतेसम्म बोलपत्र पेश गर्न सकिनेछ ।