काठमाडौँ । आइसिसी विश्वकप लिग–२ त्रिकोणात्मक ओडिआई सिरिज अन्तर्गत घरेलु मैदानमा नेपालले टस जितेर पहिला फिल्डिङ गर्दैछ । टस जितेको नेपालले फिल्डिङ गर्ने निर्णय गरेपछि त्रिवि क्रिकेट मैदानमा ९ बजेबाट सुरू भएको खेलमा नामिबियाले ब्याटिङ गरिरहेको छ ।

नेपालले ३८ ओभरमा १७९ रन दिएर ३ विकेट लिएको छ ।

रोहित पौडेलको कप्तानीमा मैदानमा उत्रिएको नेपाल लिग टुमा नेपालले नामिबियालाई पराजित गर्न सकेको छैन ।

यसअघि भएका चार खेलमा तीनमा नेपालले हार व्यहोरेको छ भने एक खेल वर्षाका कारण रद्द भएको छ ।

नेपालले लिग टुका कुल ३६ मध्ये २४ खेल खेलिसकेको छ। जसमा १४ जित, १८ मा हार र एकमा बराबरी गरेको छ । नेपाल १८ अंक जोड्दै तालिकाको छैटौँ स्थानमा छ।

ओडीआई सिधै जोगाउन नेपालले बाँकी १२ मध्ये कम्तीमा ९ खेल जित्नुपर्छ ।

यही खेलमार्फत मोन्टी देसाइले नेपालको प्रशिक्षकका रुपमा डेब्यु गरेका छन् ।

३० खेलबाट ३७ अंक बटुलेको नामिबिया तेस्रो स्थानमा छ।

नेपाल, नामिबिया र स्कटल्याण्ड सम्मिलित सिरिज फागुन ९ गते सम्म हुनेछ। सिरिजको पहिलो खेलमा नेपालले नामिबियासँग फागुन २ मा खेलिरहेको छ । नेपालले दोस्रो खेलमा स्कटल्याण्डसँग फागुन ५ मा खेल्नेछ। नेपालले फागुन ६ मा नामिबियासँग दोस्रो खेल खेल्दा स्कटल्याण्डसँग फागुन ९ मा पुनः खेल्नेछ।

पौडेलको कप्तानीमा नेपालबाट दिपेन्द्र सिंह ऐरी, ज्ञानेन्द्र मल्ल, आसिफ शेख करन केसी, सोमपाल कामी, सन्दीप लामिछाने, कुशल भुर्तेल, ललितनारायण राजबंशी, गुल्सन झा, र भीम सार्कीखेलिरहेका छन् ।