काठमाडौं । शोभित बस्नेत प्रस्तुतकर्ता रहने फिल्म ‘जय हो’ मा अभिनेत्री निशा अधिकारी अनुबन्धित भएकी छन् । प्रस्तुतकर्ता बस्नेत र अभिनेत्री अधिकारीबीच अभिनय बिषयमा शुक्रबार सहमति भएको हो ।

अधिकारी अभिनित पछिल्लो फिल्म ‘म’ साउनमा रिलिज भएको थियो । उनले हालै ‘आँखा’को छायांकन सकेकी छन् ।

फिल्ममा यसअघि नै केकी अधिकारी, सलोन बस्नेत, अर्पण थापा र माओत्से गुरुङलगायतका कलाकार फाइनल भइसकेका छन् । फागुन २५ देखि छायांकन हुन फिल्मको ९० प्रतिशत मुस्ताङ र १० प्रतिशत छायांकन पोखरामा गरिनेछ ।