काठमाडौं । बलिउड अभिनेता शाहरुख खानको बंगला ‘मन्नत’ को सुरक्षामा लापरवाही भएको घटना बाहिरिएको छ । भारतिय मिडियाका अनुसार बिहीबार राति ९.३० बजेका आसपास दुईजना अज्ञात युवक पर्खाल काटेर बंगलाको तेस्रो तल्लामा पुगेका थिए । त्यतिकैमा सुरक्षाकर्मीले उनीहरुलाई समातेर प्रहरीलाई बुझाएको भारतिय मिडियाले जनाएका छन् ।

दुवै युवक गुजरातका रहेका र उनको उमेर २१ देखि २५ वर्षसम्म रहेको बताइएको छ । प्रहरीले दुवै जनाविरुद्ध मुद्दा दर्ता गरेको छ।

मिडिया रिपोर्टका अनुसार यो घटनाको समयमा शाहरुख खान घरमा थिएनन् । पुलिसको सोधपुछमा दुबैजना सुरतका बासिन्दा रहेको र शाहरुखलाई भेट्न मुम्बई पुगेको बताएका छन् ।