काठमाडौं । चलचित्र कलाकार संघको अध्यक्षमा मोहन निरौला निर्वाचित भएका छन् । शनिवार काठमाडौँमा सम्पन्न संघको १९ औं महाधिवेशनबाट निर्णलाको अध्यक्षतामा नयाँ कार्यसमिति निर्वाचित भएको हो ।

अध्यक्ष पदकी निकटतम प्रत्यासी रेजिना उप्रेतीलाई २६ मतले पछि पार्दै निरौला निर्वाचित भएका हुन् । निरौलाले २३५ मत प्राप्त गर्दा उप्रेतीले २०९ मत प्राप्त गरिन् । ४६८ मत खसेकोमा २६ मत बदर भएको थियो।

उपाध्यक्षमा कविता गेलाल र शिवहरि बैरागी तथा महासचिवमा सबिन श्रेष्ठ निर्वाचित भए । सचिवमा रामेश्वर बुर्लाकोटी, कोषाध्यक्षमा सुनिल कटुवाल निर्वाचित भए । सह–कोषाध्यक्षमा पवित्रा आचार्य निर्विरोध निर्वाचित भएकी थिइन् ।

सदस्यमा शीतल केसी, गोपाल ढकाल, उद्धवप्रसाद भट्टराई, पवन केसी, नम्रता खरेल, पुकार भट्टराई, खुस्बु खड्का, सरिता राजोपाध्याय, रोशन श्रेष्ठ र समीर लामा निर्वाचित भए ।