काठमाडौँ । इन्डियन प्रिमियर लिग (आईपीएल)मा पञ्जाव किंग्सले लगातार दोस्रो जित निकालेको छ । गयराति भएको खेलमा पञ्जावले राजस्थानलाई ५ रनले पराजित गर्दै दोस्रो जित निकालेको हो ।

पहिला ब्याटिङ गरेको पञ्जावले निर्धारित २० ओभरमा ४ विकेट गुमाएर १९७ रन बनाएको थियो । जवाफमा राजस्थान रोयल्सले ७ विकेट गुमाएर १९२ रनमात्रै बनाउन सक्यो ।

टस हारेर पहिले ब्याटिङ रोजेको पञ्जाब किंग्सका लागि प्रभसिमरन सिंहले ३४ बलमा सात चौका र तीन छक्का प्रहार गर्दै ६० रन बनाए । जितेश शर्माले २७, शाहरुख खान ११ र कप्तान शिखर धवन ८६ रन बनाए । राजस्थान रोयल्सका जेसन होल्डरले दुई विकेट लिए ।

लक्ष्य पछ्याउने क्रममा राजस्थान रोयल्सले राम्रो सुरुवात गर्न सकेन । ओपनर यशस्वी जैसवाल ११, जोस बटलर १९, कप्तान सञ्जु सामसन ४२, रियान परागले २०, देवदत्त पडिक्कल २१ तथा शिम्रोन हेटमायरले ३६ रन बनाए । पञ्जाब किंग्सका नाथन एलिसले ४ विकेट लिए ।