काठमाडौँ । कीर्तिपुरस्थित त्रिवि क्रिकेट मैदानमा भएको एसीसी प्रिमियर कपअन्तर्गतको खेलमा नेपाल विजयी भएको छ ।

ओमनविरुद्ध कुशल मल्लको कीर्तिमानी विष्फोटक शतकमा नेपाल ८४ रनले विजयी भएको हो ।

टस हारेर ब्याटिङ गर्दै नेपालले दिएको ३११ रनको विशाल लक्ष्य ओमानले पछ्याउन नसक्दा नेपाल विजयी भएको हो ।

नेपालले दिएको ३११ रनको विशाल विजयी लक्ष्य पछ्याएको ओमान ४६.३ ओभरमा २ सय २६ रन बनाउँदै अल आउट भएको हो ।

नेपालका लागि सन्दीप लामिछाने र करण केसीले ३–३ विकेट लिए । यस्तै, दिपेन्द्रसिंह ऐरीले दुई र ललित राजवंशी एक विकेट लिए ।

नेपालका लागि कुशल मल्लले शतकीय पारी खेले । कुशलले ६४ बलमा ९ चौका र १० छक्काको मद्दतमा १०८ रन बनाए । त्यस्तै सोमपाल कामीले अर्धशत बनाउँदै ४८ बलमा ६३ रन बनाए ।

ओपनरद्वय आसिफ शेख र कुशल भुर्तेल शुन्यमा आउट भए । भुर्तेल तेस्रो ओभरमा बिलाल खानले एलबीडब्लु धरापमा परे । आसिफलाई कलिमुल्लाहको चौथो ओभरमा बोल्ड गरे ।

भिम शार्की ३३ र कप्तान रोहित पौडेलले २३ रन बनाए । दीपेन्द्र सिंह ऐरी ७ र सन्दीप लामिछाने ८ रनमा आउट भए । करणले १५ बलमा २ चौका र १ छक्का मदतमा अविजित २९ रन बनाए ।

ओमानका लागि आएन खानले २ तथा बिलाल खान, कलिमुल्लाह, जिसान मक्सुद फयाज बट, अकिब इल्यास र जतिन्दर सिंह्यले समान १ विकेट लिए ।

यो पनि पढ्नुहोस्

कुशलले बनाए अनेकौँ राष्ट्रिय कीर्तिमान, सन्दीपको नाममा विश्व कीर्तिमान