काठमाडौं । साताको पहिलो दिन सेयर बजारमा गिरावट आएको छ । आज नेप्से परिसूचक १९ दशमलव १२ अंकले घटेर १,८५० दशमलव ६१ को विन्दुमा झरेको हो ।

आइतबार २३ कम्पनीको शेयर मुल्य बढेको छ भने १८७ कम्पनीको शेयर मुल्य घटेको छ । आज २६३ कम्पनीको २० लाख १० हजार १७० कित्ता शेयर किनबेच हुँदा ६० करोड ६२ लाख रुपैयाँको शेयर कारोबार भएको छ ।

आइतबार सबैभन्दा धेरै शिवम् सिमेन्टको शेयर कारोबार भएको छ । कम्पनीको ३ करोड २२ लाख रुपैयाँको शेयर कारोबार भएको छ । मकर जितुमााको १ करोड ८९ लाख रुपैयाँको शेयर कारोबार भएको छ ।

त्यस्तै नविल बैंकको १ करोड ६८ लाख रुपैयाँको शेयर कारोबार भएको छ भने एनआइसी एशियाको १ करोड ५३ लाख रुपैयाँको शेयर कारोबार भएको छ ।