काठमाडौं । नेपाली बजारमा बिहीबार सुनको मूल्य तोलामा ३०० रुपैयाँले घटेको छ ।

नेपाल सुनचाँदी व्यवसायी महासंघले छापावाल सुन तोलाको एक लाख नौ हजार ७०० रुपैयाँमा कारोबार भइरहेको जनाएको छ । सुन बुधबार तोलाको एक लाख १० हजारमा कारोबार भएको थियो ।

आज तेजाबी सुन तोलाको एक लाख नौ हजार २०० रुपैयाँमा कारोबार भइरहेको छ ।

चाँदीको मूल्य भने स्थिर छ । चाँदी तोलाको एक हजार ३७० रुपैयाँमा कारोबार भइरहेको महासंघले जनाएको छ ।